Кармавтома
Кода кулан, сэрей таркас
Калмамизь се шкасто
Монь вечкевикс Украинань
Покш пакся куншкасо.
Кадык тосто келей ёнкстнэ,
Пандтнэ, ине лашмось
Тень неявить, и маряви,
Кода Днепрась лажны,
Кода сон масторонть лангсто
Ятонь веренть кандсы
Иневедев... Вана сестэ,
Ливтян, весень кадсынь
И сонсензэ нишке пазонть
Икелев пачкодян
Тень кис озномо... А се шкас
Меньгак паз а содан.
Монь калмакшнозь, вийсэнк стякшнозь,
Лангстонк тертнень керсинк
И пургсинк эсь олякстоманть
Вардонь кежей верьсэ.
Сестэ од, покш семиясонк,
Оляв пингенк шалтсо,
Тынь моньгак илямизь стувто
Лецтямс паро валсо.
переклав Іван Прончатов